बिहुँ सुन्दरीचोकबाट बालिका अपहरण गर्ने दुई युवक पक्राउ
भरत सापकोटा,बाग्लुड०
काठेखोला गाउपालिका ५ बिहुँ स्थित अमर माविमा अध्ययनरत १६ वर्ष उमेरकी एक बालिकालाई अपहरण गर्ने दुई जना युवकलाई प्रहरीले नियन्त्रणमा लिएको छ ।
काठेखोला ५ कर्लिम सुन्दरीचोकबाट बिद्यालय आउदै गरेकी निज बालिकालाई डरत्रास देखाई जबरजस्ती मोटरसाईकलमा हाली लैजाने काठेखोला गाउपालिका ६ का २४ वर्षिय सुन्दर बिक र सोहि वडा बस्ने वर्ष १९ को प्रेम परियारलाई प्रहरी टोलीले वारदातको दुई घण्टा भित्रै पक्राउ गरी पीडित बालिकालाई सकुशल उद्दार गरेको हो ।
जिल्ला प्रहरी कार्यालय बागलुङका अनुसार अपहरणकारीहरुलाई अपहरण तथा शरीर बन्धक मुद्दामा जिल्ला अदालत बागलुङबाट म्याद थप गराई थप अनुसन्धान कार्य सुरु गरेको छ ।
