गुल्मीको इस्मामा छोराको आक्रमणबाट बुबाको ज्यान गयो
मनु सुनार मनसुन
गुल्मीको इस्मामा फेरी अर्को हत्या भएको छ । इस्मा गाउँपालिका –१ छिनुवामा भएको मोती बहादुर कुवँरको हत्यारा पत्ता नलाग्दै इस्मा गाउँपालिका–४ मा आफ्नै छोराले बाबुको हत्या गरी फरार भएका छन् ।
कुवँरको हत्या भएको महिना दिन नबित्दै इस्मा गाउँपालिका–४ बाजका अन्दाजी २५ वर्षिय अनिल बस्नेतले आफ्नै बुबा ६० वर्षीय दिल बहादुर वस्नेतलाई आक्रमण गर्दा ज्यान गएको हो ।
छोरोको आक्रमणबाट गम्भीर अवस्थामा रहनुभएका दिल बहादुरलाइ उपचारका लागी जिल्ला अस्पताल तम्घास ल्याएकोमा सामान्य उपचार पश्चात थप उपचारको लागी मिसन अस्पताल पाल्पा रिफर गरिएको थियो ।
त्यहाँबाट पनि प्रदेशिक हस्पिटल बुटवल रिफर गरिएको थियो । गम्भीर घाइते बस्नेतको बाटोमै मृत्यु भएको जिल्ला प्रहरी कार्यालय गुल्मीका प्रहरी नायब उपरीक्षक केदाराज पन्तले जानकारी दिनुभयो ।
आइतबार साँझ करिब ७ बजेको समयमा छोरा अनिलले मदिरा सेवन गरी विवाददका क्रममा बाबुमाथि आक्रमण गरेको प्रहरीको भनाई छ । उनी रातिदेखि नै फरार रहेको र खोजि कार्य भइ रहेको डिएसपी पन्तले जानकारी दिनुभएको छ ।
