-कमलराज श्रेस्ठ,प्रदेश सभासद को छोटो कविता
कुर्सीमोह
कुर्सीमोही ए हाम्रा नेता हो
नेकपाको एकता कता गो ?
खेल भयो कुर्सी र सत्ताको
हामी भयौँ यता न उताको ।
एउटाले अर्कोलाई मात्रै दिन्छौ दोष
जनताले हेरेकाछन् छैन तिम्लाई होस
बाँडी चुँडी नगरेर गर्छौ खोसाखोस
आफ्नै घरमा गर्न थाल्यौ आगो झोँसाझोस ।
यति हण्डर खाँदा पनि सुध्रिएन मति
अब होला भन्दा खेरि गर्न थाल्यौ खति
अहिले सम्म जे भो भयो अब भयो अति
जनताले सहने छैनन् अब एक रति
संसारलाई फेर्छु भन्ने आफै नफेरिने
कुर्सी भन्दा अरु कुरा हेर्दै नहेरिने ।
धोती धरो फुस्की सक्यो छैन अझै सुद्दी
ठूला ठूला कुरा गर्थ्यौ कहाँ गयो बुद्धि ?
-कमलराज श्रेस्ठ,प्रदेश सभासद