चर्चित मोडल तथा गायक ओबी रायमाझी सहित कलाकारहरु गुल्मीको वामीमा
पछिल्लो समय निकै चर्चामा रहेका युवा मोडल तथा चर्चित गायक ओ बी रायमाझी सहित का राष्ट्रीय कलाकारहरु दुई वटा गीतहरू को छयांकन को लागि गुल्मीको वामीटक्सारमा विगत दुई दिन देखि व्यस्त रहनु भएको छ l
नेपाली सांगीतिक क्षेत्रमा पछिल्लो समय निकै चर्चाको शिखरमा रहनुभएका कलाकारहरू ओबी रायमाझी,सारिका के.सी,मोहन खड्का,बिनोद भन्डारी,आयुस्मा कार्की,क्यामेरामेन नवराज उप्रेती गित छायांकनको क्रममा गुल्मीको वामी टक्सारमा केही दिन रहने बताइएको छ l वामीटक्सार आसपासका निकै सुन्दर तथा रमणीय स्थलहरु लाई गीतमा स्थान दिइएको छ l "यस क्षेत्रको विकासको लागि प्रचारप्रसारमा थप टेवा पुगोस भनेर आफू सहितको कलाकारहरूको टिम छायांकनको लागि यहाँ आएको" चर्चित मोडल तथा गायक रायमाझीले युनिक खबर डट कम सँग बताउनु भयो l
चर्चित गायक तथा गायिकाहरु खेम सेनचुरि तथा सुनिता बुढा को स्वरमा रहेका दुई वटा गीतहरू लाई छायांकनको लागि कलाकारहरूको टिम गुल्मी आएको हो l हिजो बिहान देखि छायांकन सुरु गरिएको र अझै केही दिन यहाँका महत्वपूर्ण स्थानहरूमा छायांकनको लागि कलाकारहरूको टिम व्यस्त रहने बताइएको छ l
कलाकार मोहन खड्काको कहाँ छौं कुन्नि खै र सारिका केसीको यस्तै हो संसार बोलको गित छायांकनको लागि कलाकारहरु यस क्षेत्रमा ब्यस्त देखिनु भएको छ l सबै उमेर समूहका मानिसहरुले पछिल्लो समय अत्यधिक मन पराएका कलाकारहरु ओ बी रायमाझी,सारिका के.सी लगायतका कलाकारहरू को वामीटक्सार आगमनले यस क्षेत्रमा थप रौनकता थपिएको छ l