सामुदायीक विद्यालयका समस्या सुधारका लागि बडिगाडलाई विज्ञको १४ बुँदे सुझाव
सामुदायीक विद्यालयका समस्याहरु सुधारको लागि विज्ञहरुले बडिगाड गाँउपालिकालाई १४ बुँदे सुझाव दिएका छन । शनिबार बडिगाड गाउँपालिकाले आयोजना गरेको शैक्षिक क्षेत्रमा विद्यमान समस्या एवं चुनौतीको समाधान सहित शैक्षिक सुदृढिकरणका लागि वृहत शैक्षिक सम्मेलनमा उक्त सुझाव विज्ञले दिएका हुन ।
प्रधानाध्यापकलाई कम्तीमा तीन वर्षे करार नियुक्ति गरी लक्ष्य स्पष्ट तोकेर सम्झौता गर्ने र प्रधानाध्यापकको भत्ता बढाउने, प्रधानाध्यापकले विद्यालय सुधारको स्पष्ट कार्ययोजना निर्माण गर्नु पर्ने साथै प्रधानाध्यापकले कक्षा शिक्षक तथा विषय शिक्षकसंग सिकाइ सम्झौता गरि न्युनतम सिकाइ उपलब्धी हासिल नगरे के गर्ने ? त्यो स्पष्ट तोक्ने आग्रह गरेका छन ।
विज्ञले शिक्षक कर्मचारीले आफ्ना छोराछोरीलाई सामुदायिक विद्यालयमै पढाउनु पर्ने, विद्यालयमा राजनीति पुर्ण रुपमा बन्द गर्नु पर्ने, गीत, संगीत, नृत्य, खेलकुद लगायतका अतिरिक्त प्रशिक्षकको व्यवस्थापन गर्नुपर्ने भन्दै बालकक्षा र आधारभूत तहका विद्यालयलाई विशेष पहल गरेर सुधार गर्नुपर्ने बताएका छन ।
सो अबसरमा कमजोर अवस्थाका सबै विद्यार्थीको पहिचान गरी उपचारात्मक कक्षाको सुरुवात गर्नु पर्ने, एक विद्यार्थी एक सीप, एक विद्यालय एक उत्पादन कार्यक्रमको थालनि गर्नुपर्ने, गणित र विज्ञान जस्ता विषय अंग्रेजी माध्यममा पनि पठन्पाठन गराउन शिक्षकहरुलाई सुझाव उनिहरुले दिएका हुन ।
यस्तै उनिहरुले बडिगाड गाउँपालिकालाई पालिका तथा विद्यालयको आवश्यकता र प्राथमिकता पत्ता लगाई लक्ष्य तय गरेर क्रमश सुधार गर्दै लैजाने आग्रह समेत गरे । जसको लागि स्पष्ट लक्ष्य बनाएर कार्ययोजना सहित सुधार गर्दै लैजाने भनेका छन ।
साथै उनिहरुले आफ्नो बसमा भएको समाधान र वरपर रहेका उपलब्ध स्रोत र साधन पत्ता लगाई त्यसलाई प्राथमिकीकरण गरेर पहिले समाधान गर्न आग्रह गरेका छन । समुदायको सहभागितामा विद्यालय सुधार गर्न ‘हामी सुधार गर्छौं, हाम्रो विद्यालय’ अभियान चलाउनु प्रर्ने समेत बताका छन ।
सम्मेलनमा विज्ञले प्रस्ताव गरेका सुझावलाई बडिगाड गाउँपालिकाले कार्यान्वयनको लागि कार्यपालिका बैठकमा छलफल गर्ने पालिकाले जनाएको छ ।
