सांसद गोकर्ण बिष्टको सकृयतामा बिकास कार्यको अनुगमन
रामकृष्ण कंडेल,युनिक खवर✍️
गुल्मी जिल्ला क्षेत्रनं २ का संघिय सांसद गोकर्ण बिष्ट यतिखेर आफ्नो निर्वाचन क्षेत्रमा संचालित बिकास आयोजनाहरूको कार्य प्रगतिको अनुगमन निरिक्षणमा ब्यस्त रहनुभएको छ।यसै क्रममा मदन भण्डारी राजमार्गको तम्घास सिमलटारी खण्डमा निर्माणाधीन पुलहरुको अविलम्ब निर्माण सम्पन्न गर्नका लागि दबाब सृजना गर्नका लागि स्थलगत अवलोकन गरिएको छ।
बजेट विनियोजन गरि निरन्तरको ताकेताका वावजुद हुलाके,धर्नाजी,फुलवारी र घमिर खोलाका पुल समयमा निर्माण सम्पन्न नहुँदा जनताले निकै सास्ती भोग्नु परेको सन्दर्भमा निर्माणको प्रगती बुझ्न र अविलम्ब निर्माण सम्पन्न गर्नका लागि छलफल गरिएको सांसद बिष्टले बताऊनुभएको छ।आगामी तीन महिनाभित्र यस सडक खन्डमा चार वटै पुल सम्पन्न गर्ने प्रतिवद्धता व्यक्त भएको अनुगमन निरिक्षण पश्चात सांसद बिष्टको भनाईरहेको छ।
आजको अनुगमनमा सांसद बिष्ट सहित जिल्ला समन्वय समितिका प्रमुख दोर्ण खत्री,प्रमुख जिल्ला अधिकारी कृष्ण शर्मा,मदन भण्डारी राजमार्ग आयोजना कार्यालयका प्रमुख युवराज पोखरेल सहितका इन्जिनियरहरु,निर्माण व्यवसायीहरु र विभिन्न राजनीतिक दलका नेताहरू रहनुभएको थियो।
