अध्यात्मिक खोज भोको पेट भएकाहरूले गर्दैनन्:पुर्ब सचिब भिम उपाध्याय

रामकृस्ण कंडेल,गुल्मी

अध्यात्मिक खोज भोको पेट भएकाहरूले गर्दैनन्। यो खोज अति उच्चतहको मानवीय खोज हो। मानिसलाई अरू सबै चिजले पुगेपछि पनि के पुगेन, के पुगेन जस्तो भइरहन्छ, केही चिजको कमि महसुस हुन थाल्छ किनभने मान्छे सधैँ खोज गरिरहेको हुन्छ, अवचेतनमा नै, उसलाई थाहा नभई।

साहित्य, कला र सांस्कृतिक विकास पनि खान पुग्ने ढुक्क जिवन भएपछि मात्र हुने हो। गरिब, कंगाल, हातमुख जोड्न सधैँ पशुहरूजस्तो भौतारिरहेको कष्टमय समाजमा साहित्य, कला र संस्कृतिको बिकास हुनै सक्दैन। यसका लागि भौतिक जिवन ढुक्क र भरिपूर्ण हुनु पूर्वशर्त हो।

काठमाण्डौँ कला, संस्कृति, वास्तु, पाटीपौवा, जात्रा, पर्वहरू समृद्ध हुनुले यो सहर विश्वमा नै पूर्ण विकसित थियो र यहॉका जनता समृद्ध थिए भन्ने प्रमाणित गर्छ। भोको पेटमा साहित्य, कला, संस्कृति, वास्तु, जात्रा पर्वले माटोनै पाउन सक्दैन।