उम्मेदवार डिल्लीराज भुसाल मुसिकोटका टोलबस्तीमा भोट माग्दै
रामकृष्ण कंडेल,वामीटक्सार✍️
लुम्बिनी प्रदेश सभा सदस्य उम्मेदवार डिल्लीराज भुसाल मुसिकोट नगरपालिकाको टोलबस्तीमा मतदातासंग भेटघाटमा हुनुहुन्छ।एमाले उम्मेद्वार भुसाल संग मतदाताहरूले गाउँको विकास पहिले पनि एमालेलेको पहलमा सुरु भएको र अबको दिनमा समेत एमालेले विकास गर्नका लागि माग समेत गरेका छन् ।
मतदाता संगको भेटघाट कार्यक्रममा उम्मेदवार भुसालले एमालेको जितलाई कसैले रोक्न नसक्ने बताउनु भयो । मुसिकोट नगरपालिका वडा नं.१ पौदिअमराईमा मतदाता भेटघाट कार्यक्रमलाई सम्बोधन गर्दै भुसालले आगामी मंसिर ४ गते हुने निर्वाचनमा एमालेले बहुमत ल्याएर विजयी हुने बताउनु भयो ।
गुल्मी २ को समग्र विकासका लागि योजना बनाएर अघि बढेको भन्दै उहाँले विकास गर्ने पार्टी नेकपा एमाले मात्रै भएको बताउनु भयो । सत्ता गठबन्धनले अहिलेसम्म राम्रो कामगर्न नसकेको र भविष्यमा पनि गर्न नसक्ने भएकाले एमालेलाई जिताउनु पर्ने उम्मेदवार भुसालले बताउनु भयो । दुर्गम बस्तीको विकास गर्न एमालेनै चाहिने भन्दै उम्मेदवार भुसालले आफ्नो क्षेत्रका मतदाताहरूको जिवनस्तर उकास्न आफुले सहयोग गर्ने बताउनु भएको छ ।
गुल्मी क्षेत्रनं २ क का चियापसलदेखि मेलापातसम्म डिल्लीराज भुसाल सही उम्मेदवार भएको भन्दै उहाको पक्षमा चर्चा हुने गरेको मुसिकोट नगरपालिका ७ वामीटक्सार बजार निवासी यज्ञमुर्ती कंडेलले बताऊनुभयो। मुनपा १ मा आयोजित कोण सभामा भुसालले भन्नुभयो,गुल्मीको टोलटोलमा एमाले पुगिसकेको छ, नागरिकको माग बमोजिम विकासका काम गर्दै आएको छ ।’ गाउँमा एमालेको पहलमा धेरै ठूला विकासका काम भएकाले अधुरा काम गर्न एमालेनै आवश्यक भएको बताउनु भयो । साथै समृद्धिको सपना पुरा गर्न एमालेका उम्मेदवारलाई मत दिन मतदातालाई आग्रह गर्नुभएको छ ।
कार्यक्रममा पौदीअमराईबासीले खानेपानी,सडक मर्मत तथा जनताको जिवनस्तर उकास्ने खालका कार्यक्रममा सहयोग गर्न र जितेपछी गाउँमा आउन आग्रह गरेका छन । गाउँ पुग्नु भएका उम्मेदवार भुसाल लाई टोल टोलमा भव्य स्वागत गरिएको थियो। एमाले उम्मेदवार भुसालले आज मुसिकोट नगरपालिका वडा नं २ का मतदाता संग भेटघाट गर्ने कार्यक्रम रहेको छ।